منتدى الفرح المسيحى - يا رب بستودع نفسي وكل ما ليّ بين أيديك

https://upload.chjoy.com/uploads/17412532962541.jpg

في كل مرة بفكر نفسي شاطرة
وعارفة أدير أموري و أحل مشاكلي
وأسيطر على الظروف والمواقف اللي في حياتي
باكتشف اني غلبانه قوي ومحدودة قوي وقلة الحيلة
وهيفضل دايمًا في حاجات كثيرة قوي
خارج سيطرتي وقدراتى ويمكن أكثر بكتير من الحاجات
اللي أقدر أتحكم فيها..

وقتها بجرى على ربنا وأترمي في حضنه
واعترف بضعفي وأتوب عن كل مرة فكرت
إني أقدر بقدرتي وامكانياتي إني أدير حياتي

عشان كدة يا رب بستودع نفسي
وكل ما ليّ بين أيديك وباعترف إلى النفس الاخير إنك إنت ضابط الكل
مَنْ ذَا الَّذِي يَقُولُ فَيَكُونَ وَالرَّبُّ لَمْ يَأْمُرْ؟ (مراثي إرميا ٣: ٣٧)