منتدى الفرح المسيحى - شاطرة يا بنتي

فيه مرة بنت فى الكلية وكانت فى المحاضرة بتهزر مع واحدة صاحبتها فشافيتها الدكتورة وقالتها اسمك ايه .. قالتلها اسمى فلانة .. فرديت الدكتورة وقالتها انتى مش هتنجحى السنه ديه لازم لما تكونى فى المحاضرة بتاعتى تكونى ملتزمة .. فخافت البنت اوى

المهم عدت الايام .. والبنت دخلت الأمتحانات وحلت .. وفضلت خايفه اوى لحسن الدكتورة تسقطها بجد فى الامتحان زى ما قا
لت .
فصلت البنت كتير وكان معها كتاب من معجزات البابا †††"مجانا اخذتم مجانا اعطوا" متى 10 : 8 †††
فبصت للصورة وقالتها ياسيدنا انا عارفه انى غلطت بس متخليهاش تشيلنى المادة

ونامت البنت وفى الحلم شافت البابا كيرلس ماسك ورقة الأمتحان بتاعتها وعمال يصحح فيها ويقولها يا بنتى ما انتى حليتى صح اهو .. وديه كمان صح .. وديه صح .. شاطرة يا بنتى .. نجحتى خلاص .

وراحت يوم النتيجة لقت نفسيها نجحت .. وشافتها الدكتورة وقالتها اسمك ايه صحيح .. قالتلها فلانة .. ردت الدكتورة وقالت تصدقى وانا بصحح الورق حاولت افتكر اسمك وفضلت ادور على الورقة الى فيها اسمك مالقيتهاش ولا افتكرت الأسم

فتأسفت البنت للدكتورة .. ونجحت بس بموافقة وتصحيح سيدنا للورقة