منتدى الفرح المسيحى - فيه إيد ممدودة ليك وإله جاهز يحمل عنك كل اللي تعبك

https://upload.chjoy.com/uploads/174117124324911.jpg

بتقول "كله تمام" قدام الناس. بس الحقيقة؟
تعبان، مرهق، دماغك ماوقفتش من كتر التفكير!!
أحب اقولك إنت مش لوحدك،
ومافيش حاجة بتعدي عليك وربنا مش شايفها.

هو الإله اللي لمس المفلوج، مش بس قومه على رجليه،
لكن قوم روحه اللي كانت مكسورة قبل الجسد.
هو اللي بيشوف الوجع اللي مستخبي،
وبيمد إيده يشفي حتى اللي احنا فاكرينه مستحيل يتصلح.

"يَجْبُرُ ٱلْمُنْكَسِرِي ٱلْقُلُوبِ، وَيَضَمِّدُ جِرَاحَهُمْ" (مزمور 147: 3)

النهاردة، خد نفس عميق
… وافتكر إنك مش مضطر تواجه كل حاجة لوحدك،
فيه إيد ممدودة ليك، وإله جاهز يحمل عنك كل اللي تعبك.