منتدى الفرح المسيحى

https://upload.chjoy.com/uploads/17410938359611.jpg

ترتيبه عجيب
ولسه إيديه بتبعتلي الفرح وتجيب
ويبعت حل لمشاكلي بشكل غريب
وانا بإيماني باستني
وباصبر ليه وبتأني
عشان أكتر ما بتمني بيجهزلي وجاي قريب

مبيسبناش
وبيدبرها بطريقة مبفهمهاش
ومتعود وانا وياه مبحسبهاش
وعمر إيديا ما اترفعت في مرة لفوق
ورجعت فاضية أصل خزاينه مبتفضاش

سند ومعين
بيوفي وعوده حتي إن فات عليها سنين
ومش بيحب إنه يشوفني لحظة حزين
بنام وعيونه متنامشي
يقولي ارتاح ومتخافشي
انا جنبك ومش همشي انا الراعي وراعي أمين