منتدى الفرح المسيحى - هو الوحيد اللي لما تلاقيه مش هتحتاج تسأل وبعدين؟

https://upload.chjoy.com/uploads/174103804330111.jpg

لما كل حاجة تكون تمام… بس مش تمام😶
حسيت حياتك ماشية، الدنيا مستقرة، مفيش مشاكل كبيرة، بس جواك إحساس ناقص؟
كأنك وصلت لحاجة كنت مستنيها،
ولما وصلت… مافرحتش زي ما كنت متوقع؟
ممكن يكون النجاح جه، العلاقات كويسة،
والأيام بتمر، لكن في صوت جواك بيقول: "وبعدين؟ ده كل حاجة؟"💁‍♂️
لأن القلب مش بيشبع بالحاجات… ممكن يكون عندك كل حاجة،
لكن لسه محتاج "الشيء الواحد" اللي بيملا الفراغ الحقيقي.
زي ما قال آساف:
"مَنْ لِي فِي ٱلسَّمَاءِ؟ وَمَعَكَ لَا أُرِيدُ شَيْئًا فِي ٱلْأَرْضِ." (مزمور 73:25)
يمكن النهارده وقت إنك تبطل تدور على الإجابة في الإنجازات أو الناس،
وتبدأ تدور على مصدر الحياة الحقيقي…
لأنه هو الوحيد اللي لما تلاقيه، مش هتحتاج تسأل: "وبعدين؟" 👌