منتدى الفرح المسيحى - كسبان في المخدع كسبان في الميدان

https://upload.chjoy.com/uploads/174094699640571.jpg

قبل ما داود يواجه جليات قدام الجيش كله
، كان بيواجه حاجات ماحدش كان شايفها.. 🏹🦁
في الخفاء، وسط البرية، انتصر على الأسد والدب،
لما ماكنش فيه تصفيق ولا أنظار بتتفرج..
كانت معاركه الحقيقية هناك، في السر، بينه وبين الله،
في قوة الإيمان والصلاة قبل ما تكون في سيف أو مقلاع!

وجات اللحظة الأكبر… ⚔️
الكل شايف جليات الجبار
، لكن ماحدش كان شايف المعارك اللي سبقته..
ماحدش كان شايف قلب داود اللي تدرب على الثقة
فإلهه وسط الخطر قبل ما يواجه العملاق.

الانتصارات اللي في المخدع هي اللي بتجهزك
للي بتواجهه قدام الناس! 🙏🔥
لو انت واقف قدام “جلياتك” النهاردة،
ماتنساش تحارب في السر الأول، ماتنساش تخوض معاركك الحقيقية مع الله.. لأن اللي بيكسب في المخدع، يقدر يكسب في الميدان! 💪✨