منتدى الفرح المسيحى - فلسفة التداريب الروحية فى الصوم الكبير

https://upload.chjoy.com/uploads/174055995189151.jpg

55 يوم بتعمل نفس الحاجة كل يوم
فتتكون عادة تسهل عليك انك تعملها بعد انتهاء ال 55
يوم بشكل تلقائى

هى دى فلسفة التداريب الروحية فى الصوم الكبير

نحن لا نسلك بممارسات روحية خاصة فى المناسبات الخاصة
كالصوم الكبير ثم نعود الى حياتنا الاولى بعد انتهاء الصوم

احنا مش عندنا الصوم فرض لارضاء الله
فالله لا يهمه نوع الاكل اللى هناكله وهناكله الساعة كام الا اذا كان هذا سيكون حافز وداعم لتغيير ايجابى فى حياتنا الروحية الداخلية

لذلك يجب يجب يجب امتزاج الصوم عن الطعام الجسدى
بشبع بطعام اخر وهو الطعام الروحى والتداريب الروحية

وقد اختبرت الكنيسة هذا الامر على مر العصور واثبت نجاحه

مثلا درب نفسك على الصلاة بوعى وتركيز وقراءات بفهم وتدبير

درب نفسك على الغفران للمسيئين والنظر اليهم كمرضى
يستحقوا انك تزعل عليهم مش تزعل منهم

درب حواسك على الطهارة

درب فكرك على الانضباط

حاجات كتير تانى هيساعدك عليها ضبط النفس فى الطعام الجسدى

لذلك من دلوقت خليك عارف ان اللى هنعمله طوال فترة الصوم يجب ان يكون خطوة للامام لا رجعة فيها بعد انتهائه بعيد القيامة

ومش هنضيع فى الخماسين اللى عملناه فى الخمسة وخمسين

لِذلِكَ أَنَا أَيْضًا أُدَرِّبُ نَفْسِي لِيَكُونَ لِي [[[دَائِمًا]]]
ضَمِيرٌ بِلاَ عَثْرَةٍ مِنْ نَحْوِ اللهِ وَالنَّاسِ. (أع ٢٤ : ١٦)

الصوم_الكبير 4