منتدى الفرح المسيحى - من اراد ان يقبل فليقبل

https://upload.chjoy.com/uploads/17405584070951.jpg

بجد بجد بيصعب عليا الناس اللى ابليس نجح
انه يشغل دماغهم بالناس والاصدقاء والاهتمامات البشرية

صراعات او حتى مجاملات وخلافات ورغبات واهتمامات

وتلاقى الواحد دماغه طاحونة شغالة مش بتقف

وفى وسط الدوامة دى مفيش نفس لعمل روحى
ولا دماغ لعلاقة مع ربنا

والواحد بيلاقى نفسه عامل زى الفراشة
اللى بتنجذب بكل قوتها ناحية اللمبة المنورة
اللى هتحرقها ورغم ذلك بتجرى عليها

صدقنى وعن اختبار الاهتمامات الروحية اكسجين نقى
هينضف دماغك ويروقها ويديك سلام وراحة

وهتلاقى المواضيع اللى شاغلاك او مزعلاك انكمشت
وخدت حجم اقل بكتير مماهى عليه دلوقت

خلى صلاتك وشبعك بالانجيل والتمتع بالليتورجيا
فى الكنيسة فى اولويات اهتمامك ....صدقنى هتعيش فرحان اكتر

بس مين اللى يصدق....😔😔😔😔

لأَنَّ اهْتِمَامَ الْجَسَدِ هُوَ مَوْتٌ، وَلكِنَّ اهْتِمَامَ الرُّوحِ
هُوَ حَيَاةٌ وَ[[[[[سَلاَمٌ]]]]]. (رو ٨ : ٦)

من_اراد_ان_يقبل_فليقبل