منتدى الفرح المسيحى - لو تعبت من الانبهارات الكدابة قوله الجملة دي

https://upload.chjoy.com/uploads/174033836113131.jpg

كنت فاكر إن الحاجات اللي بتنور بسرعة
هي اللي هتملالي عيني وقلبي…
الحاجات اللي بتلمع كده وتخطفك
، بس لما تقرب تلاقيها فاضية،
مفيش فيها طعم ولا عمق.

وساعات كتير كنت بقول لنفسي “هي دي اللي هتفرحني”
، وأجري وراها…
وأرجع كل مرة مكسور أكتر من اللي قبلها.

لحد ما في يوم، وأنا مرهق من الجري،
قلتله: “اطفي يارب في عينيّ كل الإنبهارات المزيفة…
وخليني أشوفك إنت النور الحقيقي”.

ومن ساعتها، بقيت أشوف حاجات تانية
… حاجات بسيطة، بس مليانة حياة وفرح حقيقي.

لو تعبت من الانبهارات الكدابة، قوله الجملة دي
… وشوف هو هيعمل إيه.