منتدى الفرح المسيحى - كبسولة روحية 21 فبراير 2025

كبسولة روحية

21 فبراير
2025
https://upload.chjoy.com/uploads/15820623201881.jpg

اللي بيحبك بيسمعك، بيفهمك،
وبيشوف اللي جواك حتى لو مش بتقول…
وده اللي كان بيعمله يسوع مع كل واحد قابله.
الأبرص ماكانش بس محتاج شفاء،
كان محتاج لمسة، لأن مافيش حد قرب له بقاله سنين…
يسوع مدّ إيده ولمسه قبل ما يقوله "اطهر" (مرقس 1: 41).
زكا ماكانش بس عايز يشوف يسوع،
كان عايز يحس إنه مقبول، يسوع وقف عنده
وقال له: "ينبغي أن أمكث اليوم في بيتك" (لوقا 19: 5).
المجنون اللي كان مربوط في المقابر،
محدش كان بيقرب له، لكن يسوع جاله مخصوص
وحرره (مرقس 5: 1-20).
يسوع مازال نفس الإله اللي شايف احتياجك
، مش بس اللي بتطلبه، لكن اللي جواك ومش قادر تعبّر عنه…
والنهاردة هو واقف جنبك، مستعد يلمسك، يسمعك..