منتدى الفرح المسيحى - لأن السما دايماً بتسمع

https://upload.chjoy.com/uploads/173995827433311.jpg

فيه صباحات بتصحى فيها حاسس إن السما مقفولة
، وإن صلواتك بقت روتين أكتر منها إيمان
… بتقول نفس الكلام، بتطلب نفس الطلبات
، ومستني نفس الاستجابة اللي ماجتش.

لكن فيه صباحات تانية… صباحات مختلفة،
بتصحى فيها على إحساس غريب،
كأنك شايف نور مش جاي من الشمس، لكن من السما نفسها.
بتحس إن فيه حاجة اتحركت فوق، حاجة اتغيرت،
وإن انتظارك مكنش عالفاضي.

صباح استجابة السما مش معناه إن كل حاجة بقت وردي فجأة
، لكنه معناه إنك عارف إن الله سمع… وإنه هيجاوب بطريقته
، في وقته، وبحكمته.
يمكن مش بالطريقة اللي كنت متوقعها،
لكن بطريقة تخليك تقول: “دلوقتي فهمت ليه كنت مستني”.

صباحكم مليان رجاء… لأن السما دايماً بتسمع.