منتدى الفرح المسيحى - يمكن البطارية تكون صفر دلوقتي لكن طالما في إيده هتكون كل حاجة على ما يرام

https://upload.chjoy.com/uploads/173991433094391.jpg

النهاردة الصباح كان مختلف.
حاولت أبدأ يومي بقوة، لكن البطارية فاضية…
مش قادر أتحرك، مش قادر أتكلم، مش قادر حتى أفكر.
عينيَّ مفتوحة، لكن الروح في مكان تاني.
بيجيلنا يوم تحسنا كده مرهقين لدرجة إننا مش قادرين نكمل…
وكل اللي نقدر نعمله إننا نوقف ونسكت، نفكر في كل حاجة،
ونترقب، ننتظر، لحد ما ربنا يمدنا بالقوة.
لكن فيه حاجة غريبة بتحصل… كل ما البطارية بتفشل،
بيفضل في حاجة جويا بتقول “امشي”، “حاول”،
“مفيش حاجة مستحيلة”.
أوقات الناس حوالينا ممكن يساعدونا، لكن في النهاية،
القوة الحقيقية جايه من عنده هو ،
واللي حوالينا كمان من عنده هو .
يمكن البطارية تكون صفر دلوقتي…
لكن طالما في إيده، هتكون كل حاجة على ما يرام.