منتدى الفرح المسيحى - ولكننى اراقب الرب

https://upload.chjoy.com/uploads/173965821256291.jpg
بتتحداني كلمات ميخا في مي ٧، بيقول 🗣️
لا تأتمنوا صاحبا ..لا تثقوا بصديق ..(وده معناه انعدام الثقة في اى شخص )🙆🏼‍♀️🙅🏼
الابن مستهين بالأب والبنت قائمة على امها
(كأنه فيه اضطراب فى أقرب العلاقات
اللي المفروض تبقى مليانة بالمحبة والامتنان )....🤦🏼‍♀️🤷🏻‍♂️
وأخيرًا بيقول أعداء الإنسان أهل بيته ....🥲😭🫣

واضح من الاصحاح كم من مشاعر الخزلان...الإحباط..عدم الثقة ......إلخ
لكن ميخا ماوقفش عند كده ...وكأنه حصل تحول وتغيير في الحالة ..
فقال "ولكنني"قرر يعمل حاجة مختلفة ..👍🏼✅..
قرر يعلن نور يعلن حق في وسط المشهد المضلم اللي كتبه في الأول......💡☀️🔦
وَلكِنَّنِي أُرَاقِبُ الرَّبَّ، أَصْبِرُ لإِلهِ خَلاَصِي. يَسْمَعُنِي إِلهِي. (ميخا ٧: ٧)
أفعال مليانة ايمان 🤲..مليانة ترجى...🙌 مليانة ثقة ان الرب بيخلص وبيسمع .....

لو إنت زي ميخا بتعدي بمشهد مليان ظلام
ويمكن أقول أقرب الناس ليك خزلوك إعلن🗣️
"أراقب ...أصبر ...يسمعنى الهى "
صباحك ثقة واستجابة 🙋🏻‍♂️🙌