منتدى الفرح المسيحى - مستني لمستك وهيشفيك

https://upload.chjoy.com/uploads/173962659215831.jpg

سنين طويلة عايشة في ألم، مستنية معجزة
، متحملة نظرات الناس وكلامهم، لكن جوّاها إيمان أكبر من أي يأس.

نازفة الدم ما كانش عندها واسطة توصلها للمسيح،
ما حدش فتحلها الطريق، ما حدش شجعها…
بالعكس، كانت لوحدها، بس قررت تقترب
، ولو حتى في الخفاء، ولو حتى تلمس هدب ثوبه بس.

والمعجزة؟
المسيح وسط الزحمة حسّ بيها…
حسّ بإيمانها قبل ما يلمحها، حسّ بقلبها قبل ما يتكلم معاها
. ما كانتش مجرد واحدة في وسط الجموع…
كانت بنت ليها مكان عنده، ليها لمسة مختلفة
، ليها شفاء مخصوص ليها.

يمكن تكون حاسس إنك تايه وسط الناس، محدش شايف وجعك
، محدش مقدّر تعبك…
بس المسيح حاسس بيك، مستني لمستك، وهيشفيك.