منتدى الفرح المسيحى - ولو طال انتظاري فأنا في انتظارك

https://upload.chjoy.com/uploads/17396068030651.jpg

كل ليلة بستناك، ومابتجيش..
مش لأنك نسيت، بس لأنك عارف إن الانتظار نفسه بيشكلني.

عارف إحساسي وأنا بقلب في أفكاري قبل ما أنام
، بفتش في الوعود، وبسأل نفسي:
“هو أنا فهمت غلط؟ هو معاد الاستجابة كان النهاردة
وأنا ماخدتش بالي؟”

بس كل ليلة بتعدي بتثبتلي إنك أقرب من اللي أنا متخيله
، وإن التأخير مش نسيان، لكنه ترتيب.

يمكن أنا اللي كنت مستعجل،
ويمكن أنت كنت بتجهزني لحاجة أكبر.
. بس اللي متأكد منه، إن اللي جاي منك هيجي في وقته،
ولو طال انتظاري، فأنا في انتظارك.