منتدى الفرح المسيحى - المهم إن في إله شايفني حتى وأنا في أعمق نقطة في يأسي

https://upload.chjoy.com/uploads/173935113212651.jpg

الليل طويل، والظلام خانق… مش شايف أي مخرج
، ولا سامع غير صوت أفكاري وهي بتلومني على كل حاجة.

حاسس إني جوه كهف مظلم .. يشبه ايه؟! ايه!
ايوه.. بطن حوت…
مش زي حوت يونان، لكن نفس الضيقة
، نفس المشكلة، نفس الاكتئاب.

مش بعمل غير حاجة واحدة… بصلي.

مش فاهم ليه بصلي وأنا جواه، جايز أخرج؟ جايز يبقى فيه حل؟

“يا رب، حتى لو مش شايفك، حتى لو مش حاسس بيك،
أنا عارف إنك سامع.”

يونان كان جوا بطن الحوت، وصلى
… واللي استجاب ليه وقتها،
مش بعيد يكون بيحضر لخروجي أنا كمان.

مش لازم أشوف الحل دلوقتي،
المهم إن في إله شايفني حتى وأنا في أعمق نقطة في يأسي.