منتدى الفرح المسيحى - يمكن الحوت كان صعب بس لو مكنش بلعني يمكن مكنتش رجعتلك

https://upload.chjoy.com/uploads/173921477056641.jpg

فيه أوقات كتير، كنا بنتمنى حياة هادية،
طريق مفروش بالورود، ومافيش أي حاجة تهزنا أو توجعنا.
لكن الحقيقة إن فيه حاجات في حياتنا
مابتحصلش غير لما نلاقي نفسنا جوه بطن الحوت.

يونان جايز ماكانش يفكر يصلي لو ماكانش اتبلع.
ماكانش هيراجع نفسه لو ماحسش إنه ضايع.
ساعات ربنا بيسمح بحيتان في حياتنا، مش عشان تعاقبنا،
لكن عشان ترجعنا ليه، عشان تصحينا من الغفلة،
عشان تخلينا نرفع عينينا لفوق
بدل ما نفضل بنجري في سكتنا اللي مالهاش معنى.

فـ شكرًا لكل حوت خلاني أصلي لك
، شكرًا لكل ضيقة رجّعتني لحضنك،
شكرًا لكل مرة حسيت إني في الضلمة،
فاكتشفت إنك النور الوحيد.

يمكن الحوت كان صعب، بس لو مكنش بلعني، يمكن مكنتش رجعتلك.