منتدى الفرح المسيحى

https://upload.chjoy.com/uploads/173912815830461.jpg

يارب أنت ليه ساكت!!.... هو أنت مش شايف..❗❗
أصوات صراخ...
ريح شديدة...
ليل عاتمة...
موج بيعلى كل لحظة...
مشهد مليان خوف وعدم أمان، مركب خلاص هتغرق.
وسط كل ده، تبص تلاقي يسوع نايم!
فأول حاجة تيجي جواك، هو فيه إيه ؟؟
هو مش واخد باله... مش مهتم.
.. ليه سايب تلاميذه يواجهوا العاصفة لوحدهم.
التلاميذ صرخوا: "يا معلم، أما يهمك أننا نهلك؟"
وفي لحظة، يسوع قام، وبكلمة واحدة، العاصفة سكنت.
ساعات بنحس بنفس الشعور…
نحس إن ربنا ساكت ومش شايف ولا فارق معاه اللي بيحصل معانا.
بس الحقيقة؟ هو كان هناك طول الوقت، معاهم في المركب.
وزي ما كان معاهم، هو معاك.
السؤال مش "ليه ساكت؟"…
السؤال هو "إنت واثق إنه موجود، حتى في هدوئه؟" ⛵✨"