منتدى الفرح المسيحى - درّبي نفسك متكونيش زي أصحاب أيوب

https://upload.chjoy.com/uploads/173912262702491.jpg

قصة أيوب في الكتاب المقدس مليانة تفاصيل

بس وأنا بقراها لفت نظري أصحاب أيوب اللي
في القصة قعدوا يلوموه على مشاعره
بعد كم المصائب اللي اتعرّض ليها🥹

واتحوّل الحوار بعد ما كانوا المفروض يسمعوه ويطبطبوا عليه،
إنهم بيلوموه، لدرجة إنه قالهم: "إنتوا مُعَزّون مُتعبون"
يعني بتتعبوني مش بتطبطبوا عليا!!🤷🏼‍♀️

عشان كدة عايزة أقولك كل مرة بتشاركي
حد بمشاعرك ركزي كويس إنتي بتشاركي مين؟😉

ركزي مين الدايرة القريبة ليكي
هل بتعرف تسمعك وتدعمك وتسندك
ولا متعبون زي أصحاب أيوب؟🫢

وإنتي كمان درّبي نفسك متكونيش زي أصحاب أيوب
لكن تسمعي وتتعاطفي (حتى لو شايفة حاجة مختلفة)
بس مؤقتًا لغاية ما الشخص يطلب منك نصحية اسمعي وتواجدي وبس🤌🏻