منتدى الفرح المسيحى - مش كل الناس عندها نعمة الوضوح

•

https://upload.chjoy.com/uploads/173896446221641.jpg

مش كل الناس عندها نعمة الوضوح…
في ناس تقول كلمة وتقصد غيرها،
تبتسم وهي مش طايقاك، تقرب وهي بتخطط تبعد،
تفضل سايبك متعلق وهي أصلاً ماختارتكش.
الوضوح نعمة… لأنه بيخليك تعرف اللي ليك واللي عليك،
بيحميك من الأمل الكداب،
ومن العلاقات اللي نهايتها وجع محفوظ مسبقًا.
اللي واضح معاك حتى لو كلمته صعبة،
أرحم بكتير من اللي يديك إشارات متناقضة ويسيبك تايه في النص.
لو لقيت حد صادق، مباشر، لا بيجملك ولا بيخدعك…
تمسك بيه، لأنه نادر.
ولو لقيت نفسك مضطر تفسر كل تصرف وتدور على النوايا المستخبية…
امشي فورًا، لأنك مش محتاج وجع إضافي في حياتك.