منتدى الفرح المسيحى - إن لم يكن الأمر خيراً في ذاته فلابد سيكون خيراً في نتيجته

https://upload.chjoy.com/uploads/173888012159621.jpg

"إن لم يكن الأمر خيراً في ذاته ...فلابد سيكون خيراً في نتيجته"
لما كنت اقعد اقرأ عن قصة هروب داؤد من شاول
وازاي كان متبهدل في التنطيط ما بين البلاد ومعاه اسر كاملة واحتياجاتهم
... بتضايق قوي...... اصل انا بحب داؤد خالص ....
واسأل ليه ربنا يسمح بكدة ....مش هو اللي اختار داؤد ؟!!
مايخلص علي شاول وخلاص ويملك داؤد وانتهينا ..
.لازمتها ايه الفرهدة دي ؟!!!
دا داؤد كان بيصلي كثير ...طيب فين الاستجابة؟
ولما دخلت في تفاصيل قصة داؤد وشوفت النهاية ....
فهمت إن ربنا كان بيجهز داؤد للمُلك👑 وربنا بيحب داؤد أكثر مني .
داؤد هيبقي مسئول عن ناس كثير فلازم يعرف طباعهم واحتياجاتهم
.كان بيخليه يلف في كل حتة ، لأن البلاد دي هيبقي هو ملكها فلازم يعرفها كويس .
و..ويحس بيهم لأنه مر بنفس عيشتهم وتجربتهم.
وبسبب الضيقات والبهدلة دي ....داؤد راعي الغنم ..
. اصبح جبار بأس ورجل حرب ،
ومتمرس ويقدر يحتمل كل اللي جاي ....
وحكيم وعارف يسدد كل الاحتياجات .
+++
وفي كل الأمور اللي بتمر بيها يا صديقي بيبقي ربنا ليه هدف ....
بس احنا كل دورنا أننا نعمل اللي علينا ونكون امناء مع الله ....
وعندنا ثقة كبيرة جدا جدا فيه .
ياحبيبي ...اوقات كثير بتكون الاستجابة في عدم الاستجابة ..
.لأنك بتطلب غلط .
✝️وَنَحْنُ نَعْلَمُ أَنَّ كُلَّ الأَشْيَاءِ تَعْمَلُ مَعًا لِلْخَيْرِ لِلَّذِينَ يُحِبُّونَ اللهَ✝️رو٨