منتدى الفرح المسيحى - مظلوم بس الله كان معاه

https://upload.chjoy.com/uploads/173870286423191.jpg

“وكان الرب مع يوسف فكان رجلاً ناجحًا”
عارف الجملة دي اتقالت امتى !
مش لما يوسف فسر حلم الساقي والخباز،
ولا لما فسر حلم فرعون،
ولا لما بقى الرجل التاني في مصر،
ولا حتى لما أنقذ مصر كلها من المجاعة.
دي اتقالت وهو عبد… عند فوطيفار.

عارف إيه المفاجأة؟
النجاح مش في المركز ولا في السلطة
ولا في التصفيق اللي الناس بتعمله.
النجاح الحقيقي إنك تكون في أكتر مكان مكسور،
وأكتر وقت مُحبط، وتلاقي الله واقف معاك،
شايفك ناجح في عينينه قبل ما أي حد يشوف حاجة.

يوسف كان خدام، بس كان حر…
أمين، بس كان مسجون…
مظلوم، بس الله كان معاه.

النجاح الحقيقي مش إنك توصل
، النجاح إنك تعيش في عمق وجود الله معاك في كل خطوة.
إنت مش محتاج مركز عشان تتبارك…
إنت محتاج تكون معاه، لأنه هو اللي بيبارك المكان اللي إنت فيه.