منتدى الفرح المسيحى - يا اللي عرفت الرب يسوع واتمتعت بنور انجيله

https://upload.chjoy.com/uploads/173841558873511.jpg

يا اللي عرفت الرب يسوع
واتمتعت بنور انجيله
عالم كله انين ودموع
ليه حنيت لظلامه وليله

ليه دورت على الخرنوب
والخير كله في بيت الاب
فكر دا انت ابنه المحبوب
وارجع للبيت والاحباب

حبك ضحى بنفسه عشانك
داق الموت بصليب العار
حضن الرب دا هو مكانك
سيبك من مشي الاشرار

وباعمالك كنت بتحزن
روح الله الساكن فيك
دايما تنسى انك مؤمن
رغم دا كله وعينه عليك

عسل العالم عمره ما ينفع
ايه يحصل لو دست عليه
بس كلام الرب بيشبع
عود لالهك واشبع بيه

فرح العالم مش هايدوم
باطل كله وقبض الريح
لكن بكره هييجي اليوم
وهانتهنى مع المسيح