منتدى الفرح المسيحى - يارب يا من تسمع اولادك وتشعــــر بيهم محتجالك اوى يارب

منتدى الفرح المسيحى (https://www.chjoy.com/vb/index.php)

- مواضيع وتأملات روحية مسيحية (https://www.chjoy.com/vb/forumdisplay.php?f=46)

يارب يا من تسمع اولادك وتشعــــر بيهم محتجالك اوى يارب

يارب
يا من تسمع اولادك وتشعــــر بيهم
محتجالك اوى يارب

مش عارفه فين المشكله
لكن اللى اعرفه انى محتجالك

انا بوئى مقفول بمليون قفل
ومش عارفه اتكلم مع حد
ومفكرتش اتكلم غير معاك

عاوزاك ترد بدالى
تتكلم مع الناس بدالى
انا مش عارفه ارد
رد انت
رد انت يا ابويا
يمكن ساعتها يصدقوا انك معايا ومش ناسينى
رد انت يارب
يمكن يصدقوا ان انا مش لوحدى

رد عليهم
قولهم انك معايا
قولهم انك مش سايبنى وحدى
حقق وعودك يالا
وقولهم من يمس اولادى يبقى مس حدقه عينى
ياربى
رد عليهم
عشان انا تعبت خلاص

مبقاش فيا ارد عليهم
رميت تكالى عليك يارب
فلا تتركنى ولا تخذلنى

احتضنى يارب وعوضنى
عوضنى عن كل شئ فأنت يارب عالم بكل شئ

ارجوك لا تتركنى
انا محتجالك
بنتك محتجالك وبتنادى عليك
اوعى تسبنى

مش هعرف ارد لو انا لوحدى
لازم تكون معايا عشان اعرف ارد عليهم
لا انا مش هرد
رد انت
عشان انا خايفه منهم
خايفه ارد عليهم
رد انت

رد انت يارب
قولهم انك معايا
قولهم انى مش لوحدى