منتدى الفرح المسيحى - مالكش دعوة بحد

https://upload.chjoy.com/uploads/173832102400281.jpg

"مالكش دعوة بحد" دا شعارنا النهاردة👌
أيوة، مش مطلوب منك تحكم على تصرفات
أو نوايا الناس اللي بتقابلهم.
الحقيقة إنك مش شايف الصورة كاملة،
كل حد ليه ظروفه وضغوطه
، وكتير منها إحنا مانعرفش عنها حاجة!!

لما تشوف حد بيعدي بضعف
، افتكر إنك ممكن تكون مكانه في يوم من الأيام،
وساعتها أكتر حاجة هتوجعك هي نظرة الناس أو أحكامهم عليك😶

اسمع كويس الآية دي:
“مَنْ أَنْتَ ٱلَّذِي تَدِينُ عَبْدَ غَيْرِكَ؟ هُوَ لِمَوْلَاهُ يَثْبُتُ
أَوْ يَسْقُطُ. وَلَكِنَّهُ سَيُثَبَّتُ، لِأَنَّ ٱللهَ قَادِرٌ أَنْ يُثَبِّتَهُ.”
(رومية 14:4)

خلّي يومك النهارده مختلف.
بطّل تحكم على دوافع أو أفعال أي شخص
، اقفل عينك عن أي مقارنة، وامسك لسانك عن أي إدانة. ليه؟
لأنك مش القاضي، ومش من حقك تحكم على حد..