منتدى الفرح المسيحى

https://upload.chjoy.com/uploads/173789950612471.jpg

مش غريبة إن إيليا بعد ما يصلي ويوقف المطر،
ويقف بكل شجاعة قدام الملك أخاب
ويخلص علي أنبياء البعل في مشهد مهيب.
تحصل حاجة تشقلب الموقف كله. 🙄
تبعتله إيزابل وتهدده وتقوله: "هكَذَا تَفْعَلُ الآلِهَةُ وَهكَذَا تَزِيدُ،
إِنْ لَمْ أَجْعَلْ نَفْسَكَ كَنَفْسِ وَاحِدٍ مِنْهُمْ فِي نَحْوِ
هذَا الْوَقْتِ غَدًا" (١مل ١٩: ٢)

الغريب إن إيليا خاف وجري يستخبي واكتئب
وطلب الموت لنفسه بسبب كلمتين من ايزابل!
مرات كتير بيحصل معانا نفس الموقف، نخاف ونترعب
ونتمني الموت لنفسنا قدام أكاذيب بتترمي علي حياتنا.😔

لكن المشجع إن الرب مسابش إيليا فريسة لكل كدبة اترمت عليه لكن بعتله ملاك مرتين يشجعه، وبعدها جاله واتكلم معاه بكلام خاص جداً.
خلي بالك لئلا تكون تحت تأثير أكاذيب عدو الخير
وإنت مش واخد بالك. 👌