منتدى الفرح المسيحى - شكراً يا رب ألف مرة

https://upload.chjoy.com/uploads/173780376414891.jpg

عزيزي_الله
كل يوم في عشرتي معاك بحس قد إيه أنت قريب..
مش بس في الحاجات الكبيرة اللي بطلبها..
لكن كمان في التفاصيل الصغيرة اللي ساعات ما بفكرش إنها تستحق اهتمامك..
بحب طريقتك في افتقادي
..من خلال الناس اللي حواليا اللي بتستخدِمهم
عشان توصل لي رسايل حبك..
مرة بكلمة بسيطة تدفي قلبي وقت ضيقي..
ومرة بابتسامة حب من ولد صغير كنت محتاج أشوفها..
بحب اهتمامك بمشاعري البسيطة اللي بحسها تافهة
..لكنك بتتعامل معاها بمنتهى الجدية...
بتقدر تهتم بمشاعري الصغيرة كأنها أهم حاجة عندك..
ده اللي بيخليني أحس إني غالي أوي على قلبك..
شكراً يا رب ألف مرة..
شكرًا علي كل لحظة بشوف فيها اهتمامك بيا حتى وأنا ما استحقش..