منتدى الفرح المسيحى - يوم ماتتعب وتجيب اخرك حتماً هايستجيب

https://upload.chjoy.com/uploads/173779992908341.jpg

من اكتر الحاجات اللي لازم تعرفها
ان التعويض مش شرط يكون في وقته
مش لازم تقع منك فلوس فبعد يوم او اتنين تلاقي غيرها
مش لازم حد يجرحك وبعد شهر او اتنين يجي ويطيب خاطرك
مش شرط تتأذي نفسياً وتلاقي كرامتك اتردت في ساعتها

التعويض عند ربنا متشال
وجاي جاي
يامحوشين الصبر ، هتنالوا اضعافه افراح
اختبارات كتير مريت بيها ، وكنت يائس
وفضل الهم يتكوم والحزن يتخزن وغيرها

وفجأه لقيت ربنا بينفذ معايا الاية اللي بتقول
يستجيب لك الرب في يوم شدتك

فقولتله امال الشده اللي انا فيها من زمان دي كانت ايه ؟

فقالي الشده هي نهاية صبرك
وانا على قد طاقتك كنت بديلك الحمل
وعلى قد شكرك واحتمالك كنت بجهزلك المفاجأه
تعالى بقي ياحبيبي افتح ايدك
علشان اعوضك عن كل سنين التعب والجفاف
سنين الجوع والحرمان
سنين الدمع والوجع

- تأكد ربنا مش هاسيبك تقع ولا تنحني
طول مانت واقف ومكمل تأكد انك قوي وقدها وقدود
ولسه فيك حيل تعافر
وكله متسجل عند ربنا
خليك واثق انك متشاف وتعبك وصبرك متقدر

- وتأكد يوم ماتتعب وتجيب اخرك
حتماً هايستجيب لك الرب في يوم شدتك