منتدى الفرح المسيحى - هو حبيبي وحده حبيبي وإخترته هو وحده نصيبي

https://upload.chjoy.com/uploads/173764251813741.jpg

هو حبيبي وحده حبيبي وإخترته هو وحده نصيبي

ياللي بتسند القلوب تعالى وأسند قلبي
سلملي على المحبوب وأسمح وصلوا حبي

قوله دا السكه صعبه عمال طالع ونازل
مليانه كرب ورهبه وحرب مع العوازل

قوله إني مسنود وطمنه عليا
فايز على الحسود بنعمتك الغنيه

قوله عبدك بيحبك على قد ما يقدر
لكن مشتاق يحبك يحبك أكتر وأكتر

قوله لا يمكن اسيبك ولا امشي مع غيرك
اقبل سلام حبيبك إللي عايش في خيرك

قوله إني مستنيك والشوق في قلبي مليه
ياريت تبعت وتقولي ع الوقت إللي جاي فيه

قوله إني ممنون على جميع ألطافك
يا راعينا الحنون إقبل سلام خرافك