منتدى الفرح المسيحى - شكراً يارب لأنك أنت الوحيد اللي بتعرف تعمل ده❤️

https://upload.chjoy.com/uploads/173740562382051.jpg

شكراً لأنك أكبر وأرقى بكتير من توقعاتي
، ومحبتك وقبولك مابيخلصوش.
شكراً على هدوءك في لحظات انفجاري
، واحتوائك ليا وقت ما دماغي تقلب.
شكراً على احترامك لوعودك،
حتى وأنا بخيب أمل نفسي وأكسر كلامي ليك.
شكراً على احترامك لحياتي،
وعدم اقتحامك ليا في أوقات الصمت والبعد.
شكراً لأنك دايمًا مستنيني، من غير عتاب مُر أو "تقطيم" فيا.
شكراً لأنك بعد ما شُفت كل اللخبطة اللي جوايا،
مابعدتش وماتغيرتش.
شكراً لأنك ثابت بشخصيتك المريحة، مابتتغيرش مهما حصل.
شكراً إنك بتفهمني من غير ما أتكلم،
ووجودك جنبي في أصعب اللحظات.
شكراً لأنك بتشجعني أكون أحسن.
شكراً لأنك بتعلمني معنى الحب الحقيقي
، والصداقة اللي مش بتنتهي
شكراً يارب لأنك أنت الوحيد اللي بتعرف تعمل ده❤️