منتدى الفرح المسيحى - انتقائية وافتخر

https://upload.chjoy.com/uploads/173715040258251.jpg

مرة زمان حد زميلي في الشغل كان بيتخانق معايا
وقاللي "إنتي إنتقائية جدًا.. مش بتقبلي أي حد ولا أي حاجة"🤷

لما قعدت أفكر في الحكم اللي أطلقه عليّ طلع فعلًا بيفهم 😊
فكرت إن الوقت ضيق على إنه يتم إهداره مع ناس مش شبهي😉
وإن الصحة غالية على إنها تستثمر في حاجة مبتجيبش نتيجة
وإن القعدة الحلوة لازم نخرج منها بشعور إيجابي🥰
وإن الشغل لازم يبقى له أثر مش بس يتنفذ وخلاص
وإن الكواليتي والجودة أهم من الكمية👌
وإن الصحاب مش بكترتهم لكن بتأثيرهم💪
وإن مكالمة التليفون مش هري ورغي ولا تأدية واجب
وإن الكلمة بتموّت وتحيي وبتدين وبتبرأ😉
وإن كلمة نعم ليها نفس قوة كلمة لأ
كل ده يخليكي تبقي إنتقائية وده مش معناه متكبرة ومتنمرة🙊
لكن عارفة قيمة كل لحظة في حياتك وبتستثمريها في إيه.👌