منتدى الفرح المسيحى

https://upload.chjoy.com/uploads/173688604062991.jpg

علمتنى الأيام ان لا أصدق الكلمات الأولى ،
و لا الأفعال الأولى ، و لا المشاعر و العواطف الأولى ..
فيه واحد أول ما يشوفك يصدر حب و لطف و مساعدات و مجاملات ،
تلاقى بعدها نفسك فى جاذبية و إعجاب و ربما انبهار بشخصيته ..
كل ده يمكن يكمل مرة او اتنين .. لكن ده مجرد "فخ" نفسي ..
بعد كده ، تلاقى المعاملة اتغيرت ، و و يمكن اتقلبت للعكس تماما ..
الود يقلب جفا ، و الوش يقلب قفا !!
و على رأي المثل الشعبى القديم "خالتى و خالتك و اتفرقوا الخالات" !!
يمكن تكون مصلحة و خلصت ، و الود كان متقاس على قد الطلب
و يمكن تكون فيه ناس مندفعة و مشاعرها سطحية ،
تدى كتير من غير عمق و لا اساس و لا حسابات
، مشاعرها بتبرد زى كوباية شاى سخنة و سبتها فى الهوا ..
لكن اكيد فيه ناس قلابة و غدارة و مش اصيلة ،
تقربك و تبعدك ، تدي و تسحب اللى اديته لك
، تحبك السبت و تشد "فيشة المشاعر " الأحد !! ..
الناس دى اسمها فى الطب النفسي "الشخصية الحدية" ، Border line
اللى ليها وشين مستخبيين ورا بعض ، يطلع لك الفاتح و بعديه على طول الغامق !!
الدرس : ما تصدقش اللى بيحصل ، الا لما تلاقيه بيدوم و يستمر .
. و ما تديش ثقتك بسرعة لحد قبل ما يكون اهل ليها ..

د.مجدى إسحق