منتدى الفرح المسيحى

https://upload.chjoy.com/uploads/173688523950291.jpg
طلع بزرميط .
كلمة bizzare التى حرفها المصريون إلى بزرميط.
ومعناها الشىء غير المنطقى وغير المبرر..
لذا حين لا يقتنعوا بموضوع معين يقولوا عليه طلع كلام فاضى
Very strange or unusual.
و فيه ناس كتير طلع انهم "بزرميط" ..
منظر و حركات و "بق" ، لكن فى الآخر يطلع إى كلام ، بزرميط يعنى !!
كلام من غير فعل .. يخش عليك دخلة "الفاهم" ،
و يحكى لك عن بطولاته و إنجازاته و خبراته و معارفه و اتصالاته ..
و يمكن يقولك لك كام قصة "توحى" لك انه جامد قوى و ياما هنا و ياما هناك ..
و فى الآخر وقت الجد ، فى الحاجة اللى تبين شهامة
و التزام و جدعنة و حسن الاصل يطلع "بزرميط" ..
خللى بالك منه ..
و مش اى واحد تصدقه الا لما تشوف حقيقته فى الأوقات الحقيقية اللى تبين أصله..
الناس "البزرميط" كتروا قوى !!

. د.مجدى إسحق