لكل يوم زوّادة:
أشكر الله على كل تفصيل
https://upload.chjoy.com/uploads/173611120407971.jpg
اكتريّة الناس ما بتحب نهار الإثنين و كل أسبوع نفس الشي بيصيرو يفكرو كيف بدّو يمرق هالأسبوع اللي بعدو طويل كتير و ليش السبت و الأحد خلصوا بسرعة!
من نحنا و بالمدرسة للجامعة للشغل نفس الشي!
اذا بتفكّر بالموضوع بطريقة تانية و بتقول: بشكرك يا رب عالنهار الجديد اللي عطيتنا اياه، بشكرك يا رب انّي رايح عالمدرسة بوقت في اولاد كتير ما عندن هالفرصة. بشكرك يا رب إنّي رايح عالجامعة بوقت طموح شباب و صبايا وقف بسبب الظروف، بشكرك يا رب انّو عندي شغل بوقت كتير ناس عاطلين عن العمل!
اشكر الله عا كل تفصيل زغير بحياتك، الشي اللي انت مزعوج مِنّو حلم لغيرك! بشكرك يا رب عا كل نعمة عطيتني اياها، عطاياك كبيرة و كتيرة و ايديّي زغار! يوم مبارك!