منتدى الفرح المسيحى - طلبتك محفوظة قدام ربنا

https://upload.chjoy.com/uploads/173607223110381.jpg

يمكن بقالك كتير اوي بتصلي لحاجة معينه،
والوقت عدى، ومالقيتش أي بشاير حتى إنها ممكن تتحقق!!
زكريا مكانش مصدق اللي سمعه، ولا عقله مستوعب..
ومع كده، ربنا كان سامع كل كلمة قالها.
يمكن هو نسي طلبته أو افتكر إنها مستحيلة،
لكن ربنا ما بينساش.

الإعلان اللي جه لزكريا بيأكد لنا إن ربنا مش بس بيسمع صلواتنا،
لكنه بيستجيب في الوقت الصح وبالطريقة اللي تمجده وتحقق خيرنا.
ميلاد يوحنا كان أعظم من مجرد استجابة
، كان جزء من خطة إلهية أكبر،
جه يعلن الخلاص للبشرسة بيسوع المسيح..

جرب النهارده تصلي وتثق إن طلبتك محفوظة قدام ربنا،
حتى لو الوقت طال.. لأنه، زي ما قال الملاك لزكريا
، الطلبة اللي تفتكر إنها مستحيلة هي طلبة سمعها ربنا وهو شغال عليها.
"لا تخف... طلبتك قد سُمعت." لوقا ١: ١٣