منتدى الفرح المسيحى - اتحشر فى الماسورة

https://upload.chjoy.com/uploads/173594017985781.jpg

الغباء ما لوش سقف ..
و فيه ناس كل ما بتعرف حماقتها ، بتغبي اكتر و اكتر ..

طيب اتحشرت فى ماسورة
، و انت لسه فى اولها ، ارجع بسرعة و اطلع منها
، بدل الاستمرار فى العند ..
الماسورة طلعت مش مقاسك ، خلاص ، باينة من اولها ،
و الناس كلها حذرتك .. ما تصلح غلطك ، و ترتاح و تريح ..

بلاش تركب دماغك ، و تقف ضد الكل
و غلطتك باينة زى الشمس قدام الكل .
. و لا انت مستكبر و مستكتر و مستخسر تعتذر ..

و لا انت اتعلمت و اتربيت على القلب الجامد القاسي
اللى ما يعرفش الرحمة و الحنية و التأسف؟؟

كده شكلك ح يبقى حلو لما تخسر اكتر و اكتر ،
و تتحشر اكتر و اكتر ؟؟

العند فى الغلط يقل منك قوى
، و الاعتذار فى الغلط يكبرك و يكبر مقامك فى عينين نفسك
و عينين الناس ..