منتدى الفرح المسيحى - الدعوة جت فى وقتها

https://upload.chjoy.com/uploads/173589386344491.jpg

عارف ان اللي اتعمل فيك مش شويه
و ان الدنيا شالت و حطت فيك، ومابتقتش قادر
و تعبت و ربما مستنذف.
عارف ان الكتاب مليان بالوعود الجميله بس جواك/ جواكي صوت
بيقول مش عارف اعيشها ازاي في وسط الزحمه اللي انا فيها دي؟

خلاص Game Over 🎮 مش قادر اكمل
اديني بازق لحد ما العمر يخلص و حياتي تنتهي بهدوء
و ابدأ الفصل الجديد من ابديتي مع ربنا.
بس المفاجأه ان الفصل اللي بتقراه دلوقتي فيه مفاجأه 🎁
و ان انت المدعو عاقر مش منتج
و مش قادر تعيش الاستخدام الالهي اللي اتمنيته كثير
و احلامك اللي بتظن انها ماتت و صلواتك اللي اتخزنت في الارشيف،
انت كلك على بعضك جزء من قصه كبيره 📖
في كتاب اكبر بيحكي عن صنع القصه الابدية و التاريخ اللامتناهي
وَهُوَذَا أَلِيصَابَاتُ نَسِيبَتُكِ هِيَ أَيْضًا حُبْلَى بِابْنٍ فِي شَيْخُوخَتِهَا،
وَهذَا هُوَ الشَّهْرُ السَّادِسُ لِتِلْكَ الْمَدْعُوَّةِ عَاقِرًا،
لأَنَّهُ لَيْسَ شَيْءٌ غَيْرَ مُمْكِنٍ لَدَى اللهِ» لو 1:36-37

اللي مدعوه عاقرا اصبحت المدعوه ام لمن يمهد الطريق لرب الحياه ، اللي رحمها مافيهوش روح اصبح رحم مملئ بالروح القدس. هللويا 🙌
انت مدعو في المسيح يسوع لاعمال صالحه
سبق اعدها ليك لكي تسلك فيها. استسلم لعمله و فكره مش فكرك.
استقبل و اسمع و اخضع لمشيئة الله و لكلامه،
اسمعه و اقعد مع الكلمة 📜
و اكيد هو هايقولك انت مدعو....