منتدى الفرح المسيحى - وقت بدل الضايع

https://upload.chjoy.com/uploads/173532863079291.jpg

دايمًا انطباعي عن شهر ١٢ إنه الوقت بدل الضايع،
اللي هو السنة خلصت خلاص واللي ماتعملش ف ١١ شهر
هاينفع يعني يحصل ف اخر شهر!!
بس ساعات كتير نتيجة المباراه تتغير في أخر دقايق في الوقت بدل الضايع..
حياة اللص على الصليب ف اخر دقايق غيرت ابديته..
ساراي بعد ما كبرت جابت ولد..
موسى بعد ما هرب من مصر وقعد ٤٠ سنه في البرية خرج بالشعب من مصر.
التلاميذ بعد ما غسلوا الشباك اصطادوا سمك كتير.

باصدق إن لآخر لحظة في السنه ربنا شغال وإن عند ربنا الوقت ( بدل الضايع )
مش ضايع ومش تحصيل حاصل،
وينفع فيه يتغير المشهد ١٨٠ درجة.