منتدى الفرح المسيحى - شكرًا يارب على كل خطوة بسيطة بتمشينا فيها

https://upload.chjoy.com/uploads/173528214623261.jpg

في سفر التكوين الله ماكانش له بيت عالأرض ..
وفي سفر الخروج الله إدي مباديء لبيته..
وفي سفر اللاويين أدى نظام بيت الله..
وهكذا سفر ورا سفر زود ربنا فكرة على فكرة..

طيب ليه ما يوضحش من الأول ؟!🤔🤔
اولا الله فاهم قدرة تحملنا
وأننا مش هنتحمل نعرف سر كبير مرة واحدة.
. زي ما نجيب نور كشاف قوي في عين انسان..
ده مش بينور .. ده بيعميه🙈

ثانيا طريقة الله هي طريقة الاعلان التدريجي، بيعلن فكرة ويكبرها ويطورها ويوضحها تدريجيا كأنك طالع سلم..
هو عمره ما شطب على النور الأول
لكن عايزنا ندرك الاعلان واحنا هاضمينه وفاهمينه..
فمثلا يوم لما اتكلم عن أول فداء في تكوين ٣ كانت أول درجة في سلم تجسده ومجيئه فداؤه لينا..

شكرًا يارب على كل خطوة بسيطة بتمشينا فيها..
مبارك اسمك يا عمانوئيل..
شَق_السما