منتدى الفرح المسيحى - لا أنا مش هصوم من الأول 🤞🏻

https://upload.chjoy.com/uploads/173446929034391.jpg

لا أنا مش هصوم من الأول 🤞🏻
هصوم كده بعد أسبوع ، أو هصوم شهر، أو حتي نفوت كده
اول ١٠ ايام .. عشان متعبش في النص 🌚
مش هدخل معاك في جدالات وحوارات، ومش هكلمك عن فوايد الصوم الروحية والجسدية 😊
بس هقولك خلي بالك من حاجة مهمة أوي وركز عليها 👌🏻
أنت عارف ليه اللي مش بيصوم، الكنيسة بتقوله متتناولش؟؟ 🤔
هل الكنيسة أمنا اللي بتحبنا عايزة تحرمنا من "سر الحياة"؟! 🤔
آسف إن اللي هقوله صعب بس محتاجين نكون عارفينه ومدركينه كويس 👌🏻
الكنيسة بتمشي بروح الجماعة مش الفرد،
فلما الكنيسة تكون صايمه وأنت رافض تصوم مع إخواتك
فأنت "قطعت نفسك بنفسك من الكنيسة" 🤦🏻
وبما إنك قطعت نفسك من الكنيسة فمينفعش تشترك في "سر الشركة" 🥺
حرمانك من التناول في الوقت ده أنت اللي سببته لنفسك 🤦🏻
ده نتيجة، مش حرمان من الكنيسة ليك، الكنيسة بتبلغك بس بنتيجة قرارك 🙄
الأصعب إن حد يكون مُدرك ده ويقول أنا مش هتناول عشان أنا مش صايم 🤦🏻🤦🏻🤦🏻
أنت بتراهن علي أبديتك؟! 🤦🏻🥺
صدقني لو هتصوم لمجرد إنك تقدر تتناول
ده دليل إنك فاهم السر ده إيه وفاهم أهمية عضويتك في الكنيسة إيه... 😍
كل صوم وأنتم فرحانين ومسنودين بالنعمة 🙏🏻❤️