منتدى الفرح المسيحى - فرصة من دهب دوس على الزراير

https://upload.chjoy.com/uploads/173438473122611.jpg

تخيل إن معاك زرار .. أول ما تدوس عليه تغير كل حاجة!
الفكرة دي مش خيال علمي، ولا فكرة مستحيلة. الزرار ده حقيقي…
وهو الهدية اللي ربنا بيقدمها لك الأيام دي
وانت بتقفل سنة وبتستقبل سنة.
زرار تدوس عليه يمسح لك كل غلط، كل وجع، وكل ندم.
زرار يديك فرصة من دهب تبدأ بيها من الأول ..
صفحة جديدة .. صفحة نظيفة مافيهاش رواسب
ولا شخبطة الماضي اللي باظ
. وكأنه فعلاً بيديك زرار تدوس عليه تعمل Reset
وتتمتع ببداية جديدة. الكتاب المقدس بيقول:
"إِذًا إِنْ كَانَ أَحَدٌ فِي الْمَسِيحِ فَهُوَ خَلِيقَةٌ جَدِيدَةٌ:
الأَشْيَاءُ الْعَتِيقَةُ قَدْ مَضَتْ، هُوَذَا الْكُلُّ قَدْ صَارَ جَدِيدًا."
(2 كو 5: 17) ما تضيعش الفرصة. السنة الجديدة مش مجرد أرقام بتتغير في النتيجة وفي التاريخ .. دي دعوة ليك تتغير أنت كمان. ادخل السنة الجديدة وانت في المسيح .. واتغطي واتدارى واتمتع بالنعمة
اقبل الهدية… دوس على الزرار… وابدأ مع ربنا من الأول.