منتدى الفرح المسيحى - عزيزى نام واطمن اللى سايق اتوبيس حياتك ربنا

https://upload.chjoy.com/uploads/173357693897971.jpg

لما كنت فى الجيش كنت ماسك خدمه فوق الجبل فا ناس كتير حذرونى ان المنطقه دى بيطلع فيها ديابه وتعابين وخطر جدا ..
كذا حد يقولى شوفلك واسطه عشان تتنقل من المكان ده ..
بس الكلمه اللى كنت بقولها ان انا واسطتى ربنا لو شايفنى مش قد المكان ده اكيد هاينقانى لمكان اقدر عليه ..
لان حقيقى ماكنش معايا واسطه غير ربنا ..
طبعا كنت بسمع كلام " ياعم ده هايتدروش علينا وهايعمل فيها قديس "
بس الحقيقه فعلا انا كنت واثق فى ربنا ثقه شديده جدا وعندى اطمئنان وسلام داخلى رهيب ..
اللى هو ربنا معايا فى كل لحظه ..
وشاء القدر انى روحت مكان الخدمه ده ولمدة سنه كامله ماشوفتش قطه حتى طلعتلى..
وانزل الجبل واطلع ولا فى اى حاجه هناك ..
لدرجة ان القائد هناك كان يستغرب ازاى انت الوحيد اللى ماشتكتش من مكان الخدمه ده ..
كنت اضحك واقوله كله تحت السيطره 😉😅
الثقه والتسليم الكامل لمشيئة ربنا راحه ما بعدها راحه ..
عزيزى نام واطمن اللى سايق اتوبيس حياتك ربنا 😉😇❤️