منتدى الفرح المسيحى - كلمة السر " الله محبه "

https://upload.chjoy.com/uploads/173357693897971.jpg

كنت قاعد فى المترو لاقيت طفلين بيتخانقوا مع بعض طفل منهم عنيف جدا قام ضرب الولد التانة ، راح الولد اتأثر جدا وهايبدأ يقوم يضرب فا لاقيت باباه مسكه وقاله كلمتين فى ودانه بصوت واطى جدا ، لاقيت الولد ابتسم كدا وقام عاطى بوسه للولد العنيف اللى اتضرب منه وهو مبتسم وفرحان ...
موقف عجيب جدا وردة فعل الولد غريبه ومش مفهومه وايه الكلمه اللى قالها الاب لابنه خلاه يغير رد فعله اللى نتيجته كانت سحر على الولد التانى العنيف وحوله لملاك ..
بعدها بمحطتين لاقيت الاب وابنه وقفوا على الباب عشان نازل المحطه اللى بعدها ، استغليت الموقف وقولتله " هو انت قولت ايه لابنك " 😅
قالى قولتله ... " الله محبه" 😍🥰
قالى انا معود ابنى ان اى عنف نقابله لو قابلناه بمحبه وهدوء وحكمه هانقدر نغير الناس فى تعاملاتهم معانا للأحسن ..
واى موقف بيعدى به ابنى بقوله كلمة السر " الله محبه "