منتدى الفرح المسيحى

https://upload.chjoy.com/uploads/173360165069631.jpg
الروقان فن

زى المية الرايقة ، الحياة الهادية حلوة جدا ..

اتعلم ما تردش ، ما تركزش ، ما تناقش كتير ..
سيب اللي يتكلم يتكلم واللي يصدق يصدق ، و ما تحاولش تثبت مبادئك على غيرك ..

اتعلم تسكت ، الكل عارف الصح والغلط ، و مش عايزين وجع دماغ ..

خوفك من كلام النّاس مش ح يرفعك في عيونهم ،
الناس لا ح ترضى و لا ح تتفق عليك حتى و لو بقيت ملاك بجناحين ..

اعمل اللى يرضي ربنا بس ، و الأنسب و الأريح بالنّسبة لك ..

و ما دام محدش بيأكلك و لا يشربك خليك حر نفسك،
و متخليش جهل حد بيك يغلب معرفتك بروحك..

الروقان من اجمل الفنون .

.. د.مجدى إسحق