منتدى الفرح المسيحى - متختارش الخسارة

https://upload.chjoy.com/uploads/173291347428841.jpg

كام مره وقفت وحاربت وصارعت لحد محسيت
إن نفسك خلاص هيتقطع وأنت لسه منتصرتش !

كام مرة دخلت معارك أنت عارف إنها خسرانة
ومع ذلك كملت وصممت تدخلها!

طب الغلط فين؟ هل المفروض أعيش مستسلم
مصارعش ومقاومش علشان مخسرش,
الحقيقة لا بس قبل قبل ماتدخل أي حرب حط قدامك
المبدأين دول
1: الحرب مش بتاعتك
لو داخل
أي صراع وفاكر إنك هتنتصر بدراعك وقوتك,
فأعرف إنه هيتعلم عليك جامد
لازم تكون متحصن كويس, والحصانة هنا هي الله،
خده معاك في حروبك وصراعاتك، أنت وبتواجه ماضيك،
وأثناء صراعاتك علشان مستقبلك,
كل ماكان هو قدامك كل ماكانت خطواتك ثابتة

2: اختار معاركك بذكاء، إنت بتصارع في إيه،
وعلشان إيه , إيه هي مواجهاتك اليومية،
صراعاتك كلها مبنية على الفلوس والمنصب
والشهرة ولا بتصارع من أجل نفسك وامورك الروحية،
محتاج تعرف قيمتك كويس علشان وقتها هتعرف
إن في معارك كتير مش من الشرف ليك إنك تدخلها
#