|
غيروا مفهوم الصوم بكلام واقعي وعلاقه مع الله صادقه
https://upload.chjoy.com/uploads/173272922281971.jpg هي هي نفس البوستات هي هي نفس الصور هي هي بوست نقل جبل المقطم فربنا ينقل همومك هي هي بوست صوم المستحيلات نفس الكلام فتلاقي شخص كل سنه يقرا نفس الكلام كل صوم ميلاد والمستحيل بتاعه ماتحققش والهم اللي جواه مش زي المقطم ماتناقلش ويقول لنفسه اهو شويه بوستات بتتحط كل سنه خد بقي نصيحه من روح الله ليك طول ما فيش علاقه مع الله حقيقيه وحيه واضحه هانفضل عايشين في بوستات لا راحت ولا جات العاقر ممكن يفضل عاقر بس راضي بالله وفرحان واللي عنده عيال ومعندوش علاقه بالله هايلاقي نفسه مش حاسس بالفرح اللي عنده هموم وضيقات ممكن تفضل موجوده بس رميها علي ربنا وماتحالتش بس بيقول يارب كفايا يارب اني حاسس بيك ده فرحان وممكن واحد يبقي معندوش مشاكل خالص بس معندوش علاقه بالله تلاقي حياته مش مريحه الحياه مع الله مش معجزه وبوستات وإننا نعشم الناس بحاجات لو ماتعاملتش يفقدوا ساعتها إيمانهم العلاقه مع الله هي اللي تخلي المستحيل اللي مش بيتحقق يعدي وتحس بالرضا العلاقه مع الله هي اللي تخلي الضيقه اللي زي الجبل اللي بتتنقل زي المقطم تبقي هي الباب اللي تدوق بيه سندت الله غيروا مفهوم الصوم بكلام واقعي وعلاقه مع الله صادقه |
| الساعة الآن 12:24 PM |
Powered by vBulletin® Copyright ©2000 - 2025