منتدى الفرح المسيحى - زوادة اليوم: إيجابي أو سلبي 2024/11/18

زوادة اليوم:
إيجابي أو سلبي ؟
https://upload.chjoy.com/uploads/173148148198931.jpg
بيخبرو إنّو في صبي زغير بيحبّ كتير يكبّ حجار بالبُحَيرة
و يتفرَّج عالدواير اللي بينرسموا عا وجه المَي.

مرَّة شافو ختيار و قلّو :

بتعرف إنّو كلّ حجر بتكبّو هون بتحس فيه البحيرة كلها؟!

كمّل الختيار و قلّو إنّو مع كل حجر بتبلِّش الدائرة زغيرة
و بتصير تكبر و هيك أثر الكلمة بنفوس الناس!

أوقات منفكِّرها كلمة زغيرة بس بيكون تأثيرها كبير!

و هالتأثير فيه يكون إيجابي أو سلبي!

إنت إختار شو بدَّك يكون الأثر اللي عم تتركو عند الناس بكلماتك!
الله معك!