منتدى الفرح المسيحى - أنا بالنفس الداخل والخارج ليك مديون

https://upload.chjoy.com/uploads/173124822230771.jpeg
عن خبرة في مراحم الرب بأغني وأرنم
عن فرحة شملت قلبي اللي كان متألم
عن صحة روحية بعد ما كنت عليل الروح
عن سر شفاء أعماقي المخفية أنا باتكلم
القرار - أنا باهتف من كل القلب وبأغني إليك
طوبى للي اتعلق باسمك واتعزز بيك
مين كان بيصدق إن الأكل يخرج أكل
مين ظن القفر ف يوم راح يطرح ورد وفل
أنا كنت اليأس مجسد ماشي على رجلين
لكن النعمة هي النعمة .... بدلت الكل
أنا بالنفس الداخل والخارج ليك مديون
لا أطمح إلا إني أرضي إله الكون
حريتي معاه أغلى من كل الأرضيات
لو عايز تسأل ع الحرية اسأل واحد كان مسجون