منتدى الفرح المسيحى - زوادة اليوم: أسرار الوحدة والتماسك 2024/11/10

زوادة اليوم:
أسرار الوحدة والتماسك
https://upload.chjoy.com/uploads/173113296490261.jpg
بيخبّرو إنّو مَرَّة سألوه لنابوليون :

«كيف بتخلّي جِسمَك متماسِك، وعندك ثقة بحالك»؟٧

جاوب :

«على طول برِدّ على تلات أسئلة بتلات أجوبة».

قالولو :

«ما فهمنا فسِّرلنا كيف يعني»؟

قَلُّن :

«يلّي كان يقول ما فيّي وما بقدر كنت قلّو لازم تحاول،
ويلّي كان يقول ما بعرف كنت قلّو لازم تتعلَّم، وساعدو ليتعلَّم،
ويلّي كان يقول مستحيل كنت قِلّو عالقليلة جرِّب»؟

الزوّادة بتقلّي وبتقلَّك :

هالكلمات كتير بسيطة، هنّي كلمات قائد أرضي،
تركو أثر كبير بقلوب وعقول الجنود يلّي تركو بيوتُن
وأهلن وعيالُن ورايحين يدافعو عن بلدُن.

وين نحنا اليوم من كلمات الربّ يسوع؟

مش بس حِكي، نفَّذ حتَّى الموت على الصليب،
ما بيستاهل نترك إهتماماتنا الأرضيِّة ونلحقو؟

نوقف مع الخير بوجّ الشرّ ومع السلام ضدّ الحرب
ومع الخلاص والحياة ضدّ الموت؟!

أسئلة برسم كلّ واحد مِنّا حابِب إنّو يكون خادم بكرم الربّ، والله معك