منتدى الفرح المسيحى - هى الحدايه بتحدف كتاكيت

https://upload.chjoy.com/uploads/173065931024391.jpg

كنت مضغوطة أوي الوقت اللي فات،
وبدأت افتكر ناس ومواقف عدت عليا في حياتي
، وقلت لنفسي: "لأ متحلميش،
من إمتي الحداية بتحدف كتاكيت."😞
وفى عز يأسي، ربنا فكرني بموقف غريب في الكتاب المقدس📖
، لما الله استخدم الغربان علشان يبعت أكل لإيليا النبي
"وَكَانَتِ الْغِرْبَانُ تَأْتِي إِلَيْهِ بِخُبْزٍ وَلَحْمٍ صَبَاحًا،
وَبِخُبْزٍ وَلَحْمٍ مَسَاءً...." (١مل ١٧: ٦)
مش غريبة أوي ؟؟
طيور جارحة 🦅 تدي متاخدش😲
غربان عملت عكس طبيعتها الشرسة.
ربنا في أوقات يستخدم ناس
أو مواقف تبان مستحيل يجي من وراها الخير
، عشان يفتح لك طريق جديد أو يحل مشكلة أو يوصلك رسالة.
اطمن😊، إله زمان هو إله دلوقتي، يغير الواقع لخيرك❤‍🩹